نيسان مورانو الجديد تجربة ميدانية

الشخص هذا تعليقه وتقديمه حلو وكان فاتح قناه يتكلم عن السيارات وله متابعين اشوف الحين الشركات صارت تتعامل معه فتقديم سياراتها كدعايه


المورانو هالسياره اللي نزلت واختفت فجئه من الشوارع !!

له مقاطع وهو صغير 
واضح انه ماخذها هواية من يومه والي عرفته ان اهله عندهم سلسلة معارض سيارات جده وابوه يديرونها دايم في كذا مقطع
تحصله يقولها اذا صور بعض السيارات الي عندهم 

وش قصة نيسان مع المورانو مافي ولا تصميم زين!!

كل تصاميمهم الي يمشيها ان السعر مقبول ويطيحون فيها الناس بعدها يتوهقون وتختفي

هذا الشخص من افضل من يسوي برامج عن السيارات 
هو صيدلي من فتره بسيطه ولو تشوف قناته راح تشوف يوم التخرج 
اغلب الفيديوهات يسويها لسيارات من معارض مختلفه ووكلاء 
هاوي ومبدع , ومن اجمل قنوات عرض السيارات 
ليت حسن كتبي يتعلم منه ويبطل الثرثرة الي مالها داعي في مقاطعه 

^^^^^^
بالعكس الثرثرة هذي تعلمت فيها اشياء كثيرة مثل ان كرايسلر متعاقدة مع شركة فيات والتصاميم الجميلة من كله بفضل هذه الشرة وأن شاصي الدودج تشارجر هو شاصيه مرسيدس و و و...
كل هذي معلومات في مقطع واحد ولا تجاوز ٥ دقائق وغيرها من المعلومات الكثيرة عن السيارات كلها مزيج بين اخبار الشركة ومشاكل الشركة وتاريخها وتاريخ السيارة اللي يجربها طبعاً هذا الكلام يوم كان ينزل مقاطع توصل ٤٥ دقيقة أما الآن فللأسف صار يعطيك ملخص التجربة والسيارة...
واذا ما تفهم شيء ولا تبي تستفيد عندك مقاطع ثانية مثل فالكون وعرب جي تي...

تميم ألييييييييييييم
##_____##
ينقصه دعاية جبارة ليحقق النجاح المطلوب

من أجمل السيارات اللي جربتها في حياتي.
كان مع أخوي موديل 2006 أول سنة له بالسعودية، أخذته أسبوع منه كان مبتعث وأنا سيارتي خربانة.
رائع جداً جداً ومريح وهادي والعزل حلو جداً وقيره cvt مريح وعزمه قوي مكينة vq.
هذاك 2006، فما بالك بالجيل اللي بعده والجيل الثالث هذا ؟!

بس طبعاً ما ينفع للي حياته في البر والنفود، لأنه ما صمم إلا للمشي القليل فيها بس، وقطعه غااالية كله مصنوع من ألومنيوم ما عدا الهيكل الخارجي (البدي) باستثناء الكبوت والشنطة من الألومنيوم أظن، لأن الكبوت خفييف.

أكثر أسباب عدم انتشاره هو قيره cvt + قيمته تنزل كثير + قطع غياره غالية + غير واسع + لا ينفع لا للبر ولا لسفر، ينفع لأربعة أو خمسة أشخاص مع أغراض قليلة فقط.